媒體報導

Speed Dating HKRD 媒體報導 - CTgoodjobs : 【聖誕節】Speed Dating定用交友App好? 最多單身職業係工程師、醫生……  - matching、配對、約會、交友、結識異性專家

CTgoodjobs : 【聖誕節】Speed Dating定用交友App好? 最多單身職業係工程師、醫生……

撰文、攝影:霍芷晴

聖誕將至,相信很多打工仔每年到這個時候,才驚覺這年自己又再放了太多時間於工作上,沒有時間認識一位合拍的另一半,難道這年又要再單身過聖誕嗎?Speed Dating公司HKRD﹙Hong Kong Romance Dating﹚創辦人Yubi笑言:「每年到呢個時候大家就會覺得特別空虛、寂寞、凍,所以參加Speed Dating嘅客人會比平時多約3成!」

Yubi與拍檔Anita同樣是女主播出身,不過因為喜歡幫人,加上二人以前都是以Speed Dating的形式而邂逅各自的另一半,所以於2014年尾便毅然辭工創業,開設HKRD,希望可以成為現代媒人,為難以找到另一半的單身打工仔伸出援手。很多人認為參加Speed Dating配對或使用交友App去認識異性的人,都是性格有問題或有社交障礙的人,不過這未免太過一竹篙打一船人,Yubi表示:「因為好多職場嘅圈子都好窄,亦有好多職業嘅性別單一化,佢哋好需要一個機會。」

交友App太伏?客人回頭Speed Dating
不過,近年交友App盛行,足不出戶就能認識大量異性,這又會否令Speed Dating公司的生意減少呢?Yubi淡定地說:「2017年時交友App開始大行其道,公司嘅客人真係少咗嘅,大約一成左右,但呢個狀況只係維持咗3至6個月,客人就好快回頭,因為佢哋用交友App試過好多『中伏』經驗,例如對方係另有目的地想sell其他嘢、又有啲發現對方原來已婚或有另一半,更有啲客人分享,佢哋試過畀對方呃錢……所以最後都係想有我哋幫手做過濾嘅角色。」

 

 

 

Yubi指交友App的出現並沒有負面的影響,反而令客人更清楚自己的需求,對其服務更有信心。她指現時HKRD主要提供兩類的配對服務,分別是多人參與的Speed Dating活動和單對單的約會服務。

「海歸派」最受歡迎 最多單身職業係…
當大家擔心Speed Dating服務會否同樣是大海撈針?因為參加者的年齡、背景、學歷不一,就算一次過可以認識十幾位單身畢性,但都未必是符合自己擇偶條件的對象吧?Yubi指:「我哋會舉辦好多唔同類型嘅Speed Dating活動,而每個活動都有主題,並就活動需要而限制參加者嘅條件,例如非吸煙人士、從未結過婚人士﹙因為有客人曾離婚﹚、專業人士等,參加者年齡每次都唔同,平均約為29至35歲,每次大約12人內。」而Yubi補充,其實「海歸派」最受歡迎,「即係喺海外留學返嚟嘅人士。」

Yubi提到有專業人士類別,專業人士一般人會想到醫生、律師、機師、教師等,他們條件優厚,理應很容易找到另一半吧?其實不然,Yubi指,因為很多專業行業的員工性別都偏向單一化,所以就算條件好,都未遇到合適的機會。

成功個案分享:空姐竟然難覓理想伴侶
當知道Serena﹙化名﹚以前曾任空姐時,記者都不禁大呼:「空姐的交際圈廣闊,自身條件都普遍比較好,點解會需要用單對單約會服務呢?」Serena指之前試過用交友App,不過遇有很多「照騙」狀況、有時到見面時才知年紀太大,於是想減少出錯的機會,加上:「因為自己唔太識揀人,唔識睇一個人係咪真係真誠,我想搵一個認真、有誠意、肯聆聽嘅對象,所以試吓用單對單約會嘅服務。」

因為單對單約會比起Speed Dating活動不同,單對單約會的收費為$1000介紹一位,而每位參加者都需要提交很多文件證明自己的背景、學歷、薪金等資料,所以認真程度有一定的保證。Serena使用服務後半年已經認識了現時的丈夫,拍拖半年後更被求婚,並於2018年結婚。她認為:「最緊要open自己,除了外表要花心思外,個人嘅心態都好重要,保時開心正面就會吸引到人。」
 

#speed dating 活動  #皇牌單對單約會 #HKROMANCEDATING #單對單服務 #HKRD #speed 
dating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #疫情 #肺炎 #防疫 #留家 #政府 #好處 #約會貼士 #拍拖貼士 #約會技巧 #TIPS #約會話題 #IG  #WHATSAPP

~~~~~~~~~~~~~~~~~~~~~~~~

上一篇:星島日報 : 聖誕消費調查:八成人最多花3000元