2005-12-14

做 得 電 視 台 記 者 ， 大 部 分 都 「 恨 」 出 鏡 、 「 恨 」 做 主 播 ， 無 錯 ， 我 都 好 鍾 意 出 鏡 ， 我 不 會 虛 偽 地 說 我 不 貪 慕 虛 榮 ， 否 則 當 初 就 不 會 毛 遂 自 薦 去 有 線 做 主 播 。 
但 做 了 多 年 ， 忽 然 驚 醒 ， 做 主 播 又 可 做 多 少 年 ？ 不 同 外 國 的 新 聞 制 度 ， 只 要 愈 有 料 ， 主 播 就 愈 得 到 重 視 ， 你 在 香 港 有 見 過 五 十 歲 以 上 的 女 主 播 嗎 ？ 好 在 ， 我 不 單 止 有 樣 ， 還 有 腦 。

PROFILE

當 新 聞 主 播 多 年 ， 九 五 年 出 道 任 《 壹 週 刊 》 財 經 記 者 ， 後 轉 職 有 線 新 聞 台 ， 03 年 加 入 亞 視 做 主 播 記 者 ， 由 於 人 靚 聲 甜 ， 廣 獲 觀 眾 支 持 ， 同 時 被 癲 狂 fans 在 網 上 廣 發 「 姦 殺 令 」 。 
2005年 初 ， 她 放 棄 月 薪 數 萬 的 工 作 ， 隻 身 赴 美 考 獲 NLP （ 身 心 語 言 程 式 學 ） 導 師 牌 照 ， 八 月 回 港 開 公 司 親 授 NLP ， 短 短 三 個 月 已 有 超 過 四 千 人 上 過 她 的 課 ， 最 近 亞 視 力 邀 回 巢 ， 重 做 主 播 ， 實 行 雙 線 發 展 。

被 罵 垃 圾 人 妖

可 能 命 中 註 定 ， 我 一 出 來 工 作 ， 場 場 都 是 硬 仗 。 
好 像 畢 業 後 在 《 壹 週 刊 》 做 財 經 版 記 者 ， 甫 入 職 已 每 日 被 「 狂 抦 」 ， 當 時 的 副 總 編 輯 是 左 少 珍 ， 鬧 我 寫 的 文 章 是 「 八 股 文 」 ： 「 給 清 朝 人 睇 就 得 ！ 」 前 總 編 輯 張 劍 虹 更 說 我 的 稿 是 「 垃 圾 」 。 
不 過 事 後 他 們 都 會 告 訴 我 錯 在 那 裏 ， 應 如 何 改 進 ， 他 們 都 是 我 遇 過 的 良 師 ， 壹 集 團 是 一 個 很 好 磨 練 的 機 構 ， 就 好 像 以 前 《 歡 樂 今 宵 》 是 「 木 人 行 」 一 樣 。 但 比 起 電 視 台 ， 《 壹 週 刊 》 就 如 溫 室 。 
九 七 年 轉 職 有 線 電 視 ， 剛 出 鏡 ， 就 給 人 批 評 得 更 體 無 完 膚 ， 說 我 ： 「 出 鏡 似 人 妖 ， 還 要 是 泰 國 嗰 隻 ！ 」 辛 苦 爭 取 到 機 會 主 持 清 談 節 目 《 健 康 小 百 科 》 ， 由 於 壓 力 太 大 ， 所 以 節 目 第 一 次 現 場 直 播 時 ， 我 緊 張 得 一 秒 眨 十 次 眼 、 一 句 對 白 講 錯 五 個 字 、 就 連 嘉 賓 的 名 字 我 都 讀 錯 。 
事 後 不 用 我 說 大 家 也 知 我 的 下 場 ， 一 沉 百 踩 是 平 常 事 ， 最 慘 還 是 之 後 兩 年 被 封 入 「 雪 櫃 」 ， 只 做 一 些 簡 單 的 報 新 聞 工 作 。 初 時 我 日 日 返 家 都 以 淚 洗 面 ， 人 亦 幾 乎 崩 潰 。

電 視 台 如 戰 場

行 內 人 都 說 ， 做 電 視 台 記 者 就 等 如 入 了 娛 樂 圈 ， 因 為 大 部 分 電 視 台 記 者 都 希 望 出 鏡 ， 既 要 名 、 亦 要 利 （ 每 次 出 鏡 都 有 出 show 錢 ， 約 $500 至 $1,000 ） 。 
鏡 頭 後 冷 箭 橫 飛 ， 只 要 我 行 錯 半 步 ， 即 時 game over 。 
好 像 很 多 記 者 都 會 問 我 最 欣 賞 香 港 那 一 位 主 播 、 和 電 視 台 那 一 位 同 事 最 老 友 ？ 我 都 以 「 好 敏 感 」 為 由 ， 拒 絕 回 答 。 這 並 不 是 我 怕 事 ， 只 是 「 燒 到 別 人 嗰 疊 」 ， 是 電 視 界 大 忌 。 
我 能 忍 ， 全 賴 我 男 朋 友 （ 即 現 任 丈 夫 ） 叫 我 去 上 NLP 的 course （ 身 心 語 言 程 式 學 ） ， 想 不 到 我 完 成 課 程 後 ， 竟 變 得 百 毒 不 侵 ， 不 怕 惡 意 批 評 ， 這 個 課 程 對 於 每 天 生 活 在 戰 場 的 我 ， 有 莫 大 幫 助 。 
記 得 由 有 線 轉 到 亞 視 前 ， 有 一 位 採 訪 部 的 同 事 突 然 跑 到 我 身 邊 問 我 ： 「 亞 視 挖 你 過 去 呀 ？ 」 我 答 是 ， 她 即 提 高 八 度 嗓 子 說 ： 「 冇 料 到 嘅 人 ， 去 邊 都 唔 會 有 機 會 ， 哼 ！ 」 然 後 轉 身 離 開 。 接 着 是 一 連 串 的 流 言 蜚 語 ， 有 人 說 我 「 搶 飯 食 」 、 「 得 個 樣 」 、 「 拋 生 藕 」 、 「 姣 × 」 ， 總 之 要 多 難 聽 就 有 多 難 聽 。

Dr. Woodsmall （ 左 一 ） 乃 張 慧 慈 師 傅 ， 到 底 Woodsmall 有 幾 勁 ？ 聽 住 ， 全 世 界 最 有 錢 的 激 勵 大 師 Anthony Robbins （ 即 〈 喚 醒 心 中 的 巨 人 〉 的 作 者 ） ， 乃 Woodsmall 的 學 生 ， 而 前 美 國 總 統 克 林 頓 都 是 Robbins 的 學 生 （ 即 克 林 頓 是 Woodsmall 的 徒 孫 ） ， 另 外 ， Woodsmall 過 去 曾 幫 美 國 國 防 部 訓 練 神 槍 手 。

停 止 → 思 考 → 行 動

又 試 過 和 一 位 同 事 合 作 主 持 直 播 節 目 ， 當 節 目 結 束 ， 她 竟 然 當 着 嘉 賓 面 前 拍 枱 大 罵 ： 「 你 問 咁 多 問 題 ， 咩 風 頭 都 俾 你 搶 晒 啦 ！ 」 
被 她 一 喝 ， 我 亦 十 分 氣 憤 ， 但 仍 然 沉 住 氣 地 回 應 ： 「 你 有 咩 不 滿 可 以 稍 後 再 傾 ， 但 現 在 先 送 嘉 賓 離 開 好 嗎 ？ 」 
「 我 冇 嘢 要 同 你 講 ！ 」 她 大 吼 後 便 轉 身 離 開 錄 影 廠 。 
以 前 我 一 定 繼 續 跟 她 理 論 下 去 ， 但 當 時 我 學 會 了 忍 耐 ， 只 是 努 力 安 撫 被 嚇 的 嘉 賓 ， 之 後 高 層 都 說 我 處 理 得 非 常 好 。 
面 對 這 些 批 評 ， 相 信 我 未 學 NLP 時 ， 肯 定 當 場 跟 她 鬧 個 天 翻 地 覆 ， 但 NLP 使 我 學 到 如 何 處 理 憤 怒 的 情 緒 ， 最 簡 單 的 方 法 是 「 停 止 → 思 考 → 行 動 」 。 
首 先 暫 時 抽 離 觸 動 令 我 憤 怒 的 事 ， 避 免 憤 怒 情 緒 擴 大 ， 然 後 深 呼 吸 ， 可 避 免 因 憤 怒 的 情 緒 所 帶 來 的 生 理 衝 動 （ 如 打 人 ） ， 然 後 用 正 面 思 想 ， 轉 化 刺 激 憤 怒 的 挫 折 感 ， 成 為 我 們 奮 發 的 驅 動 力 。

張 慧 慈 的 丈 夫 何 偉 光 （ 左 ） ， 是 她 NLP 的 課 程 助 教 ： 「 好 多 人 話 我 叻 過 老 公 ， 我 就 覺 得 佢 成 就 大 我 好 多 ， 因 為 我 只 係 出 鏡 ， 佢 就 係 後 面 做 好 多 嘢 ， 等 如 監 製 、 導 演 ， 諗 好 多 idea ， 好 緊 要 。 做 了 拍 檔 後 ， 我 覺 得 感 情 仲 好 過 以 前 ， 更 了 解 對 方 。 」

無 懼 姦 殺 令

除 了 在 電 視 台 被 放 冷 箭 ， 在 過 去 數 年 ， 更 有 人 將 一 些 變 態 性 幻 想 ， 化 為 文 字 貼 上 網 上 討 論 區 內 ， 例 如 是 要 將 我 先 姦 後 殺 、 挖 出 內 臟 再 姦 等 。 老 實 講 ， 十 成 九 是 行 內 人 的 「 傑 作 」 ， 我 不 怕 、 不 理 、 只 會 一 笑 置 之 。 
另 外 我 亦 經 常 收 到 主 播 常 收 的 「 禮 物 」 ， 就 是 內 藏 避 孕 套 的 郵 件 ， 我 只 會 打 趣 地 問 一 問 ： 「 有 冇 男 同 事 想 要 ？ 」 然 後 丟 進 垃 圾 箱 。 若 果 我 沒 上 過 NLP 課 程 ， 可 能 已 經 患 上 精 神 病 ， 或 是 退 休 變 「 煮 飯 婆 」 了 。 
其 實 我 從 來 無 諗 過 會 做 NLP 培 訓 導 師 ， 直 至 有 一 次 我 心 血 來 潮 ， send e-mail 給 國 際 NLP 培 訓 導 師 協 會 的 主 席 Woodsmall 博 士 （ 堪 稱 現 時 NLP 最 權 威 人 物 ） ， 向 他 請 教 問 題 ， 他 很 快 就 有 回 覆 ， 並 鼓 勵 我 過 美 國 親 身 接 受 他 的 教 導 ， 我 實 在 受 寵 若 驚 ， 於 是 便 在 今 年 二 月 ， 毅 然 遲 去 主 播 及 記 者 的 工 作 ， 飛 去 美 國 跟 隨 NLP 大 師 級 人 物 Woodsmall 博 士 進 修 ， 三 個 月 在 國 際 身 心 語 言 程 式 學 培 訓 師 協 會 ， 考 了 NLP 培 訓 導 師 牌 回 港 ， 與 丈 夫 在 港 開 班 授 徒 ， 我 希 望 能 夠 幫 到 更 多 人 建 立 自 信 ， 這 實 在 比 只 在 幕 前 報 新 聞 更 有 成 功 感 。 
做 主 播 是 有 助 我 開 班 ， 有 很 多 NLP 學 生 都 是 我 的 fans ， 他 們 會 覺 得 我 在 電 視 前 好 有 自 信 ， 想 做 到 像 我 一 樣 。 現 在 我 只 想 做 好 NLP ， 但 仍 不 會 放 棄 出 鏡 機 會 ， 因 為 我 要 學 生 對 我 有 信 心 ， 給 他 們 看 我 幕 前 的 表 現 ， 而 最 重 要 的 是 要 告 訴 全 世 界 ， 張 慧 慈 仍 然 存 在 。

何 謂 NLP ？

NLP （ 身 心 語 言 程 式 學 ） 發 展 於 七 十 年 代 ， 是 透 過 研 究 人 類 大 腦 運 作 ， 如 何 影 響 我 們 的 思 想 、 語 言 及 行 為 的 學 問 ， 它 結 合 了 心 理 學 、 腦 神 經 學 、 催 眠 學 、 語 用 學 和 心 理 治 療 學 ， 為 我 們 有 系 統 地 呈 現 出 邁 向 成 功 的 精 髓 。

#speeddating #matching #單對單約會 #hkromancedating #hkrd

上一篇: 頭條日報專欄: 慧眼看世界 — 新經營模式