想生BB, 食鹿茸?食花膠? 食阿膠?
想生BB, 食鹿茸?食花膠? 食阿膠?
實情不一定要食鹿茸、花膠、阿膠等動物藥。在特別時候, 我也會建議用以上藥材, 但在大部份情況之下, 都不必用其他動物的生命去換新生命。有些情況更不是單純補身可以成孕, 而係要行氣清熱。因此盲目去補身未必成事。
以下介紹幾種常見植物藥材, 既補益、又美味:
1) 桑寄生
桑寄生, 不寒不熱燥, 補肝腎, 強筋骨, 又安胎。可以只用桑寄生一味煎茶服用, 亦可配合紅棗或其他藥材同煮成湯。月經之後, 特別適宜補腎, 桑寄生是一個方便又簡單的食療材料。
2. 熟地黃(熟地)
熟地滋陰養血補腎, 著名的八珍湯就有用到熟地了。熟地味道甘甜, 用來煲湯味道一流, 好多人說服阿膠可以幫助著床, 但若然選擇素食, 熟地必定係首選。
3) 菟絲子
在眾多關於生育的藥方當中, 菟絲子必定是最常用的藥材之一。 菟絲子補益腎陽, 無論女士想調經、安胎, 抑或男士想增加精子數目或活躍度, 都經常會用到菟絲子。
最重要是:它是"種子", 意頭好! 坊間常以花膠配"蓮子" 蓮子正正是意頭之選, 不過菟絲子不必要配花膠。又或者, 好多人會性食茸燥熱,這時候大可以選用菟絲子, 相比鹿茸, 菟絲子就溫和得多了。
最後要重申一次, 盲目補身未必成事。疏肝、行氣、健脾都好重要, 先打個脈, 再選擇適合食療。
香港婚活 HK Romance Dating (HKRD)
#hk romance dating #HKRD #香港婚活 #單身 #約會 #speed dating
