對於80後一代，吳彥祖可以話係靚仔界嘅代表人物，但奇就奇在，佢咁多年來都冇乜同邊個女星扯上關係，大家永遠都只係記得佢太太Lisa S，究竟點解呢？

吳彥祖都坦白話自己外表吸引好多女仔埋身，所以以前嘅女朋友，都好難完全信任佢。雖然佢表示自己好專一，但好多時女朋友最後都以為佢出軌，搵第二個男朋友。可以話係美麗有罪啊～

直至遇上Lisa S，吳彥祖終於可以有一段安定感情，因為Lisa S非常信任佢，無視花邊新聞，從來冇諗過吳彥祖會偷食。所以話，信任對關係真係好重要，而且大家都要對自己有信心，唔好成日疑三疑四其他人比你更有吸引力。

由於Lisa S本身唔喜歡小朋友，吳彥祖最初冇諗過同佢結婚，但由於兩人相處得好舒服，唔使言語大家都了解到對方，加上大家諗法愈黎愈接近，所以最後都結咗婚。婚後生咗小朋友，吳彥祖笑言自己地位變到最低。Lisa S.形容吳彥祖係一個滿分老公同完美父親，「當我地變老，身邊人一定要令你笑，咁先可以開心到老！」

#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享  #吳彥祖 #Lisa

上一篇: [名人愛情錄] 陳慧琳零緋聞原因

下一篇: [名人愛情錄] 知性夫妻—潘燦良與蘇玉華