【 我的愛情故事 】|名嘴DJ鄭啟泰教路如何冧掂港女

經常飾演醫生律師筍盤嘅名嘴DJ鄭啟泰，原來年紀輕輕時曾經閃婚離婚又生埋個女，不過佢話冇過去經歷就冇今日嘅佢，所以同我地坦白一切，仲教大家點追女仔添。

鄭啟泰話現實中嘅佢好貼地，去大牌檔都冇所謂，仲好有幽默感添。佢教各位男士都要有幽默感，又要有風度，平時為女仔開下門，咁就容易追女仔喇。佢仲好有心思，成日製造驚喜，例如帶前女友去澳門玩會買定直昇機飛，佢話做咩都最緊要都係有心。

曾經26歲就結婚嘅佢，好快就離婚，佢坦承當年太年輕，未見識過世界，之後遇到好多誘惑。不過佢話好男人最重要識得承認過去，仲話好感激當年嘅經歷。佢又因為意外關係，而家已經有個19歲嘅女，幸運地佢地關係好好，個女仲視佢為偶像。

有趣嘅係佢個女未拍過拖，作為阿爸嘅佢，竟然好想佢快啲拍拖快啲俾人飛，因為佢認為感情需要練習。對於一眾單身Speed Dating與單對單約會客人，佢鼓勵大家要開心啲、多認識人，咁好多你就會認識到新對象。至於一樣同佢離過婚嘅人，佢都教大家要向前看。佢認為婚姻唔可怕，只要你搵到個夾嘅人就係件好幸福嘅事！

#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享  #渣男渣女 #愛情心理聊天室

上一篇: 【登記前必看】
單對單約會服務須知
你準備好參加單對單約會服務嗎？

下一篇: 疫情影響
港人情人節消費意欲跌