【Winson 港日之戀趣事】 港日餃子大比拼 「幸せだね!」
為了防疫，少咗出街食飯，多咗喺屋企煮飯仔，最近日籍愛人想食餃子，當然要嚟個DIY餃子晚餐。於是我提議，佢整日本餃子，我整中式水餃。
佢本身係大阪人，以前同屋企人住都會整餃子食。佢話:「每一個家庭包餃子既肉餡都有唔同，各家有唔同特色。」(語言翻譯咗做中文)講到佢既餃子特色，佢整肉餡時，喺免治豬肉加入薑沫、蒜沫、椰菜，再調下味，包入日本餃子皮，之後利用煎PAN加入粟粉水香煎，就整到好似「大阪王將」羽根餃子咁靚咁好食。
而我既餃子出品都會隨住季節同當造既蔬菜而轉變，今次我用了豆苗，因為時令之餘，我又鍾意夠爽脆，最緊要係佢未食過豆苗。佢問我用煎定水煮，我話:「當然用水煮啦!」煮咗出嚟後，佢大讚好好味。
佢洗碗時問我，鍾意邊種餃子，我答:「我只係鍾意你整既餃子。吃到你既餃子，真係『幸せだね!』。」
#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #疫情 #肺炎 #防疫 #留家 #政府 #好處 #約會貼士 #拍拖貼士 #約會技巧 #TIPS #約會話題 #IG #WHATSAPP #港日之戀 #日本人 #香港人
上一篇: 【春天限定】香港邊度有靚花睇?
