愛情分享

愛情分享 - 【愛情來了 】男主持都係搶手貨 - HK Romance Dating | Speed Dating Hong Kong - matching 、配對 、約會 、 交友、結識異性專家

【愛情來了 】男主持都係搶手貨

「靚仔一定花心啦!」你會唔會都咁諗?但其實,花唔花心同你個樣無關架,就好似今次嘅嘉賓VIU TV電視男主持廖嘉輝(Luke)雖然咁靚仔,但咁多年黎都未試過四圍玩!

Luke由財經主播出身,而家主要做娛樂節目主持,曾經訪問《與神同行》一班韓星時被對方認得。估唔到,喺呢個五光十色嘅工作環境中,佢同現任女友已拍咗拖5年左右。Luke認為,花唔花心,都係睇番你本身性格係點,由於佢係一個有原則同誠實嘅人,所以從來冇試過拍散拖玩玩下。

咁Luke女朋友擔心過,有叫佢轉行嗎?佢表示從來冇,因為對方同佢一樣工作非常認真,當見到Luke一直進步時,都好支持佢。話時話,Luke本身擇偶都係好有原則,要對方符合哂自己所有要求先會展開追求,所以唔會揀咗個會阻礙佢事業發展嘅人。佢表示女友好大方,會理解佢工作。

Luke教各位Speed Dating單對單約會客人,約會時唔好望一眼對方就幻想太多,亦唔好因為約會過一次後冇下文就失望。如果你越心急,感情運就會越差。只要對方係一個誠實嘅人,大家發展感情就會順順利利。

Luke工作時成日見到靚人,會因此對伴侶外貌要求提高嗎?Luke話自己係個怪人,從來冇抱過追星心態去做呢份工,所以心態唔會改變。佢又表示為咗加強對方安全感,每次見對方時都會好著重約會質素,而且每日都會聯絡女友,所以對方都好信佢。各位Speed Dating單對單約會客人,不妨參考一下佢嘅戀愛心得!

HK Romance Dating創辦人Yubi 黃嘉如
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料,預約/報名: www.hkrd.com.hk  / goldenmatching.com

#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享  #渣男渣女 #愛情心理聊天室

上一篇: 戀愛4階段,你而家係邊個STAGE呢?

下一篇: 【Salina 深情剖白 】究竟乜野係「幸福」?

HKRD Speed Dating  專家 黃嘉如 Yubi 教路 By 黃嘉如 Yubi