【名人愛情錄】盤點嫁外國人5女星
除咗上次介紹嘅陳法拉嫁咗俾外國人外，仲有唔少圈中人都係發展異國情緣架，以下為大家盤點其中5位先！
梁詠琪
相信大家都知道，梁詠琪同西班牙人Serigo結婚多年，佢地好有緣，當年係因為梁詠琪獨自去西班牙旅行時，經朋友介紹而認識。佢地一見如故， Serigo好喜歡佢，跟埋佢黎香港。而家佢地嘅混血囡囡，已經生得好靚女喇。
李玟
李玟同加拿大籍老公Bruce拍咗8年拖先結婚，據講Bruce以前多次求婚都被拒絕，因為李玟一直抱不婚主義。到最後佢終於被感動應承，舉辦過億「世紀婚禮」，好多富商巨星雲集，婚禮有齊中西特色，仲融合咗Bruce嘅猶太人背景文化。
官恩娜
官恩娜都要參加Speed Dating？係呀，佢同老公係參加Speed Dating認識架。佢老公係中法混血兒醫生Juan-Domingo Maurellet，2015年喺香港舉行婚禮。官恩娜婚後已開始減產，生咗大仔Gabriel，2018年再生細囡Aurelie，而家已經好少露面了。
湯唯
擁有獨特東方美嘅湯唯， 2013年同韓國藉導演金泰勇相戀，一年後結婚。佢地因為同樣鍾意電影，關係變得更親蜜，2016年生咗囡囡Doris。佢認為自己同老公結婚多年能夠保鮮嘅秘訣就係「合而不同，唯心堅定」。
莫文蔚
莫文蔚曾經有過唔少緋聞，亦同過幾位圈中人如馮德倫拍拖，但最後都係同番初戀男友結婚。佢同德國籍老公Johannes 17歲時相識，分手多年後重遇再結婚，緣來沒法擋，係另類愛情童話。
我地Speed Dating同單對單約會服務中，間中都有外國人參加架，但都係本地人佔多數。不過其實真係有緣嘅，同咩國籍人拍拖都冇所謂嘅～
#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享
