愛情分享

愛情分享 - 你有冇諗過喺Twitter識到個科技界富豪? - HK Romance Dating | Speed Dating Hong Kong - matching 、配對 、約會 、 交友、結識異性專家

你有冇諗過喺Twitter識到個科技界富豪?

好多時我地認為要喺酒會晚會先有機會同富豪結緣,但現實咩都有可能發生,除咗有香港嘅甘比因為做娛記認識到大劉,外國都出現咗喺Twitter認識咗科技界巨頭嘅例子!

Tesla行政總裁Elon Musk 2018年時諗出個稱為Roko's Basilisk思想實驗嘅笑話,好興奮發佈喺網絡上,然後搜尋時發現,加拿大籍獨立創作型女歌手Grimes早佢3年就已經講過呢個意念嚕。之後Elon主動聯絡Grimes,然後好快佢地就開始拍拖。

Grimes以前修讀心理學同哲學雙學位,仲輔修俄語和電聲學,但最後輟學投入音樂事業,佢其中一張專輯《Vision》曾被美國紐約時報稱讚為「迄今為止最令人印象深刻嘅專輯之一」。

Elon成日被人形容為係現實版Iron Man,結過兩次婚,又曾經同唔少娛樂圈美女拍拖。佢形容過自己係好需要拍拖嘅人,又曾經坦白過分手後係覺得幾咁空虛寂寞凍。今次同細佢16年嘅Grimes拍拖,情況幾得意,例如佢曾經被對方喺Twitter公開抨擊言論。舊年佢地生咗一個仔,Elon Musk改咗佢個名為“X Æ A-12 Musk”,貫徹佢地對科技嘅熱愛。個名令個個都啼笑皆非,皆因冇人識讀佢個名啊 。

正所謂冤豬頭都有盟鼻菩薩,各位單對單約會或Speed Dating客人,如果你有時覺得自己好奇怪都唔緊要嘅,話唔定你都好似Elon Musk咁有日認識到一位志同道合嘅伴侶。

#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享  

上一篇:   女人係咪特別鍾意壞男人?

下一篇: 

HKRD Speed Dating  專家 張惠萍 Anita 教路 By 張惠萍 Anita