愛情分享

愛情分享 - 夏日約會穿搭  女孩篇 - HK Romance Dating | Speed Dating Hong Kong - matching 、配對 、約會 、 交友、結識異性專家

夏日約會穿搭
女孩篇

夏天又黎啦!減肥計畫進行成點先? 諗好今個星期日同心儀對象去約會著咩未呢? 仲未,唔使怕! HKRD已經綜合好「今期流行」俾大家參考,立即睇下呢個post 拎d idea扮靚靚啦! 今個夏日著得最閃亮非你莫屬啦!

 

1. 連身褲

    

細肩帶連身裙、連身褲係今季流行款,無論係斯文的絲質布料,定係牛仔褲都容易carry!有下半身肥胖問題的女仔,如果怕連身裙會著到有「孕婦」感覺,選擇連身褲會更合適喔!

 

2. 印花連衣裙

每個夏天都大行其道的碎花連衣裙,呢個夏季都唔例外,唔少名牌fashion brand已經不斷推出各個款式。你都唔好錯過入手返一件啦!相比起大印花,細微的小印花更能有效帶出girlfriendable 的感覺喔!

 

 

3. 白色主導

   

高達33度的天氣,最好避免黑色、深色等吸熱顏色,選擇淺色,例如白色、米色、淡粉色的衣料更有助身體散熱!加上呢類型的衣服更易型造「仙氣」感覺。會唔會怕無咩特色成身「白曬曬」? 可以選擇配搭一對搶眼的鞋或者顏色突出的手袋,咁就唔驚無個人特色啦!

 

4. 休閒運動風

    

想著出青春活力的夏日風情,運動造型不失為一個good idea! 怕太sporty無左女性魅力,可以係打扮上做小小心機,選擇粉色系走韓風路線,或者學歐美時尚咁露出小蠻腰的低調sporty look都得嫁!用陽光活潑的氣息偷走男神個心啦!

 

 

5.  流蘇款飾

2018年夏季時裝展,歐美唔少品牌都推出野性性感的流蘇設計,或者你都可以試下走出舒適圈嘗試下「西部牛仔look」風格。如果已經準備好曬黑或者本身已有一身健康古銅膚色的你,HKRD 絕對number 1推介你行呢個路線,再買多對露腳趾羅馬鞋配上彩繪指甲,呢個夏日時尚女神非你莫屬啦!

 

#HKRD #fashion # speeddating #datingapp #summerstyle #truelove #約會 #情侶裝 #夏日時尚 #男女朋友

上一篇: 告白的藝術

HKRD Speed Dating  專家 張惠萍 Anita 教路 By 張惠萍 Anita