CTgoodjobs ： 【聖誕節】Speed Dating活動種類多 整蛋糕、郊遊 最受歡迎竟然係…
撰文、攝影：霍芷晴
聖誕節真的自己一個人更開心嗎？其實每個打工仔都希望在辛勞的工作後，有一個可以與你分享所有的伴侶吧？聖誕佳節，如果仍是自己一個人，難免會感到寂寞，所以大家都希望能在節日前找到適合自己的另一半，然後往後的日子就二人一起走下去。但另一半並不能一下子變出來，可能參加Speed Dating是一個不錯的方法？
Speed Dating公司HKRD﹙Hong Kong Romance Dating﹚創辦人Yubi表示，一提到Speed Dating公司，可能很多人的感覺和印象都比較差，覺得不太正派，或擔心公司會安排很多人做應內，根本就未能認識合適的對象。不過隨着時代的轉變，時下年輕人慢慢都對約會行業的感覺漸趨開放，加上Yubi保證參與公司活動的全都是真實的參加者，沒有內應，希望改善行業形象，令大家開始對Speed Dating抱有接受的態度。不過，Speed Dating還是停留於每人幾分鐘極速自我介紹，然後轉往下一張枱的形式嗎？
延伸閱讀：【聖誕節】Speed Dating定用交友App好？ 最多單身職業係工程師、醫生……
活動種類多 最受歡迎仍是……
Yubi介紹道：「其實現時我哋會舉辦好多唔同類型嘅活動，除咗按每次嘅活動主題如非吸煙、海外留學生、專業人士等類別外，活動本身都有好多選擇，例如遊船河、整蛋糕、手工藝製作、去南丫島行山同食海鮮、品酒活動等等，亦有一啲係講座形式嘅活動，如16型人格、屋樹人分析等講座。上述活動每次收費大約$200至300，午餐或晚餐聚會則分別為$288及$480起。」
縱然活動種類多，可以免除大家初次見面的尷尬感，不過Yubi指，現時最受歡迎的活動仍是輪流Speed Dating式的聚會！「即係每6分鐘就搖鈴一次，然後轉去下一張枱咁，呢個方式原來咁長青！每次大約12人參加，年齡介乎29至35歲，大學以上學歷嘅人士，參加者覺得呢類活動係最快捷，可以一次過識到12位自己擇偶條件內嘅單身異性。」
《不懂撒嬌的女人》劇照
設有單對單約會 成功效率達7成
除了Speed Dating活動外，HKRD還提供單對單約會服務，Yubi表示透過其公司單對單約會後成功拍拖結成一對的成功率達7成以上，「因為用得單對單約會服務嘅客人都想搵一個認真嘅對象，絕大部分都係以結婚為前提，所以有一定嘅認真性。而我哋喺進行配對前，會先收集客人一系列嘅資料同文件，身份證、學歷證明、工作證明、收入證明，例如稅單、物業資料、宗教背景、年薪、有冇離過婚等。然後了解佢哋嘅性格，想搵一個咩類型嘅對象。」之後更會有顧問跟進，了解更多資訊與彼此的期望，定能增加成功配對的機會，Yubi指單對單約會的收費為$1000介紹一位。
《觸及真心》劇照
說到難忘的個案，Yubi表示曾有一位49歲的男士，已經離婚三次，並育有兩子女，「佢對婚姻有啲失望，因為三次都係女方主動離開。但佢為咗子女嘅成長，所以都想搵個簡單純品嘅伴侶。我哋幫佢搵到一位41歲仲係A0嘅女士，性格簡單又賢淑，最後佢哋結咗婚；亦試過有媽媽帶住佢21歲嘅囡囡上嚟，希望可以為個女搵個好對象。因為經我哋介紹，對方嘅背景一定有保證，所以作為父母會較為放心，同埋唔使浪費咁多時間喺唔適合嘅對象身上。」
着重個人成長和培養
不過，都並非每個個案都能成功配對，Yubi指有一位26歲的美靚女，雖然出席過數次單對單約會，不過男方覺得她沒有主見兼太悲觀，故不想發展下去，「呢位客人冇乜自我，曾經有一任男友覺得佢唔夠靚，佢就去整容，所以我哋要幫佢建立返正確思維，唔好去迎合人哋而改變自己，要學識欣賞自己，我哋鼓勵佢建立興趣，並提供一啲輔導畀佢，而家仲係進行中，希望佢會有進步。」
Yubi指，雖然未必所有個案都成功配對，但她有信心地表示，所有客人在自我成長方面都一定會有所進步，因為公司會為客人提供免費的增值課堂，「外表同內在同樣重要，所以我哋希望幫客人先裝備自己，就男士而言，我哋會教佢哋頭髮造型、穿搭技巧、皮膚護理等，最緊要係乾淨！」Yubi笑說見過有男士着波衫、背心及奇怪的穿搭，很容易出事；「女士的話，我哋會教佢哋化妝、有營養師提供飲食貼士、穿搭技巧等。另外，我哋定期都會有溝通技巧同人際關係嘅課程，希望大家可以為自己增加自信，提升人緣！」
《人100%靠外表》劇照
成功個案分享：Speed Dating大家目標明確
Jac﹙化名﹚曾在樂園工作，她坦言生活很多時間都花在交通上，所以即使放工了，都沒有太多私人時間，因而單身了好一陣子，「但當時就嚟30歲，身邊嘅屋企人同朋友都開始催，而自己之前都有聽過Speed Dating，所以就想體驗一下。」Jac表示，自己參與第二次Speed Dating活動就已經遇到自己現時的丈夫。
對於Speed Dating的體驗，Jac指：「以前都有試過參與一啲朋友活動，靠朋友介紹的話，一大班人入面要估吓對方係咪有女朋友，自己又唔想表現得太有機心，所以都唔太成功；我覺得參與Speed Dating活動嘅所有人都有同一個明確目標，而且全部都係單身，唔使估估吓真係幾好。」她建議選擇自己有興趣的Speed Dating活動，另外亦要留意活動所述的年齡層是否真的符合自己的準則。
#speed dating 活動 #皇牌單對單約會 #HKROMANCEDATING #單對單服務 #HKRD #speed
dating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #疫情 #肺炎 #防疫 #留家 #政府 #好處 #約會貼士 #拍拖貼士 #約會技巧 #TIPS #約會話題 #IG #WHATSAPP
~~~~~~~~~~~~~~~~~~~~~~~~