媒體報導

Speed Dating HKRD 媒體報導 - 香港01: 港女與大7年同事撻著對方從不談工作、IG不放合照專家:別直問  - matching、配對、約會、交友、結識異性專家

香港01:
港女與大7年同事撻著
對方從不談工作、IG不放合照
專家:別直問

男生不少30歲人仍像個大細路,拍拖似湊仔,所以不少女生都愛找一個年紀較自己大的男生。近日有女網民分享,指自己做兼職時識了一個男同事,因為話題相近二人共墮愛河,但拍拖半年後女方才知對方比自己大七年,而且相處後卻有重大問題...

網民「希望就是奢望」近日在連登發文,分享自己跟年長七年男同事的愛情經歷。樓主表示今年她22歲,男友29歲,是女方仍讀大學做兼職時認識,而對方是公司的full time員工。

樓主表示當時她跟仍是同事關係的男友互相follow ig,「佢間中都會reply下我啲Story,我哋都會吹多一兩句水」,慢慢二人稔熟起來更戀上對方。起初樓主不知對方大她7年,「無乜generation gap,都係聽下廣東歌睇吓Netflix...... 佢又會講吓低能嘢,無乜dead air 」。

對方不分享內心世界

二人及後分別都返新工,近日因WFH女方到男友家「一齊扮公」,卻發現男友工作上似有事發生,「發生咗咩事佢又無話俾我聽(當然,可能佢覺得話咗俾我聽我都幫唔到手)」,但對方仍扮到若無其事。另一邊廂就不斷同朋友msg,「電話不斷震。」

從不放合照上IG

樓主回心想平時二人交談好表面,「佢都好少會話俾我聽佢唔開心嘅嘢。」她分享自己有兩大困惑,第一,「一個就30歲嘅人心裏面其實諗緊啲咩?」第二,對方無介紹朋友讓她認識。「係連佢有咩朋友,佢哋叫咩名我都唔知.....我知道佢以前拍拖都會po 合照,但同我一齊差唔多半年有多,佢都無Po 過一張相。」她更無意間發現他的朋友問近排有無target,「佢答人哋: 無啊。」現希望網民能給與意見。

專家:唔建議直接開口問

就網民的煩惱,HK Romance Dating極速約會speed dating人際關係溝通培訓師Kerwin表示,年齡差距七年都可能是隱藏因素,「二人工作上在不同階段,男人不跟女友提工作,可能是正面動機,不想女生有負擔。」而兩人由單純拍拖至半同居一起WFH,更有可能令彼此生摩擦的觸發點!

至於無放相上IG ,Kerwin覺得是信任感和安全感的問題。男女朋友間有mutual friend,有男仔不知被人知;也有可能在他心目中未建立肯定感和認同感。至於男方跟友說表示無Target,原因是她在男朋友心目中未有名份肯定。

#speed dating 活動  #皇牌單對單約會 #HKROMANCEDATING #單對單服務 #HKRD #speed 
dating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #疫情 #肺炎 #防疫 #留家 #政府 #好處 #約會貼士 #拍拖貼士 #約會技巧 #TIPS #約會話題 #IG  #WHATSAPP

~~~~~~~~~~~~~~~~~~~~~~~~

上一篇:香港01:
疫下港男約女友每月見一次hea食lunch
愛情達人推4大安心拍拖點