【現代紅娘每週大爆料 】Speed Dating應怎樣開展話題?
無論你參加過或者打算緊參加Speed Dating,可能都好苦惱活動上點樣令自己變得更受歡迎,HK Romance Dating創辦人Anita 舉辦過幾百場Speed Dating,好知咩表現會令人留下深刻印象,今次佢就俾幾個錦囊大家!
為咗建立良好形象,各位第一樣做到嘅就係要守時喇。當你見到參加者守時,都不妨簡單讚美對方幾句展開開場白,打破冷場。然後各位朋友仔可以講啲輕鬆話題先,例如討論一下活動餐廳同食物,令氣氛變愉快。
當開始介紹自己,Anita建議大家用4-5句形容自己,太長的話會顯得好長氣,又會搶咗人地發言機會;相反,太短會顯示出你不擅辭令同太cool。內容方面,你可以介紹一下自己工作內容,如果工作冇乜特別,興趣
都係一個好話題令你建立人緣。
呢啲都係Speed Dating上展開話題嘅好題材,你可以回應對方嘅介紹,問少少簡單引申問題,一路展現大方笑容。當中千祈唔好查家宅,亦唔好答得太大路令人地覺得無趣。
介紹興趣時,你可以再補充多一兩句,例如當你講踩單車,可以講下自己踩開邊、沿路有咩風景,等人可以回應你說話。好喇,假設你平時真係冇乜興趣,唔好真係答句話自己冇興趣呀,你可以講下自己間中都會做運動同約朋友。另外,討論旅行都係Speed Dating上一個幾好嘅破冰話題,大家可以討論下地方同內容。
最後Anita醒醒大家一個7秒理論,就係認識頭7秒已經係令人有冇好印象嘅關鍵。當中涉及溝通技巧同語氣,呢啲都唔係一時三刻得來,平時大家要多練習,累積得來。
#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #疫情 #肺炎 #防疫 #留家 #政府 #好處 #約會貼士 #拍拖貼士 #約會技巧 #TIPS #約會話題 #IG #WHATSAPP #港日之戀 #日本人 #香港人
上一篇: 疫情下的Speed Dating生存之道