單身咗咁耐，一直都未搵到自己單身既原因? 你會唔會有以下呢3大原因導致到你跌入單身「死胡同」呢?

1.    對愛情有潔癖
有啲人鍾意對方冇拍過拖、冇離過婚，最好係「白白豬」。其實都明白呢啲人有個心魔會擔心對方有前任會容易同自己作出比較，或者憂慮對方與前度聯絡影響雙方感情。不過你諗諗，如果對方冇戀愛經驗，通常都唔會好識得了解對方既諗法。其實過去既經歷會令一個人成長同埋有改善，先至會成就更好既佢，亦都會更加懂得愛人。

2. 放唔低前度
有啲人同前度分手後，一直都希望前度會返嚟自己身邊，成日喺度諗以前有幾開心、快樂、甜蜜……但係有幾多個前度會願意復合，返到你身邊呢? 而且當你等緊前度時，你又會錯過身邊一個更適合你既對象，浪費自己青春同時間。

3.性格自卑
有啲人成日擔心對方條件太好，怕對方唔會接受而離開，怕自己會受傷，就算愛情機會嚟到，點都會覺得自己襯唔起對方，覺得自己只係「Small Potato」，唔值得人注意同愛。戀情未開始就已經選擇逃避，但你要諗諗一個真正愛你既人係會接受你既一切，所以放膽去愛吧!

如果真係想「脫單」，你就要好好改變自己對愛情觀，千祈唔好出現以上呢3個想法，期望你盡快搵到人生幸福啦!

#HKROMANCEDATING #單對單服務 #HKRD #speeddating #dating #matching #香港婚活 #單對單約會 #單對單 #戀愛輔導 #愛情 #約會 #SPEEDDATING #DATING #HKRD #matching #單身 #hkromance #一對一約會 #交友 #交友app #愛情分享 #疫情 #肺炎 #防疫 #留家 #政府

上一篇: 男人唔一定愛靚女，3個小貼士令佢戀上你!

下一篇: 戀愛新手拍拖3大貼士