今次香港交友約會業總會心理治療師Ada分享兩個其中佢最難忘嘅個案，聽完之後，你可能會覺得自己好幸福！

第一個主角係女仔，佢可以話係「分手王」，最初拍拖每個月都會嘈10次8次分手，後來情況「好啲」，每個零月先話一次要分手。不過搵Ada作輔導嘅唔係女方，反而係個男朋友，嚟到問佢應該點做。Ada首先了解吓每次女朋友要分手嘅原因，聽完之後覺得其實原因都好少事，例如男仔遲返屋企15分鐘，女朋友就會好嬲，因為佢守唔到承諾。又有次女仔要求男方刪除Line，但係之後佢買新手機時軟件自動同步安裝返，女友發現完之後就好嬲要分手。Ada認為男仔其實冇問題，反而應該叫女朋友改，之後男方有轉述返俾女朋友聽，聽完都覺得好有道理想改番好。

另一位比較突出嘅客人係一位男士，佢可以話係「控制王」，全天候都要知道女朋友行蹤，又希望對方斷絕所有社交，轉一個新嘅Facebook Account，等佢篩選新嘅朋友名單，唔想佢再同前度男友或一啲條件出眾嘅男士來往。佢咁緊張，一來因為女朋友好靚，但其實更重要原因係因為佢自信不足，原生家庭令佢覺得自己條件好差，但係其實只係一場誤會。例如佢身高178，都覺得自己好矮，最後Ada要花一年時間治療呢個男仔～

香港交友約會業總會心理治療師Ada黃沁而
‧ 心理治療師
‧ 心理學學士學位、輔導心理學碩士學位
‧ 香港大學持續進修學院兼職講師
‧ 更多資料、預約/報名: http://www.hkmdi.com/consultant.php?consultant_id=11

HK Romance Dating創辦人Anita 張惠萍
‧ HK Romance Dating、Golden Matching 創辦人
‧「香港交友約會業總會」創會主席
‧ 政府與國際認可之宴會統籌及司儀 (雙證書)
‧ 兩性關係、個人提升節目主持及作者
‧ 更多資料，預約/報名: www.hkrd.com.hk  / goldenmatching.com

上一篇: [愛情聊天室] 李克勤娶得港姐秘訣

下一篇: [心理必修科] 戀愛輔導 個案分享